English عربى كوردی
كۆمەڵەی پیاوانی پیشەسازی توركیا لە عێراق سەردانی وەزارەتی بازرگانی و پیشەسازی حكومەتی هەرێمی كوردستان دەكات

جار خوێندراوه‌ته‌وه‌ 37 , 15/04/2018

رۆژی چوارشەممە (11-4-2018) شاندێكی كۆمەڵەی پیاوانی پیشەسازی توركیا لە عێراق سەردانی وەزارەتی بازرگانی و پیشەسازی حكومەتی هەرێمی كوردستانیان كرد، شاندەكە لەلایەن بەرێزان دكتۆر عەبدولرەزاق عوسمان ناوەندەیی بەرێوبەری گشتی دیوانی وەزارەت و كاك سوار عەزیز بەرێوەبەری گشتی پلاندانان و شێخ ئاراس بەرێوەبەری گشتی كەشەپێدانی پیشەسازی و هەر یەكە لە راوێژكاران (سۆران سەڵاحەددین راوێژكاری یاسایی و فەتحی موحەمەد راوێژكاری پەیوەندییەكانی وەزارەت و عمر ئیسماعیل موحەمەد بەرێوەبەری پەیوەندییەكان و راگەیاندنی دیوانی وەزارەت پێشوازیان لێكرا.

 

شاندەكە بەمەبەستی پەرەپێدانی بواری پیشەسازی سەردانی وەزارەتی بازرگانی و پیشەسازییان كردووە، كە نیازی كردنەوەی كارگە و وەرگرتنی مۆڵەتی بەدەستهێنانی كارگەیان لە هەرێمی كوردستاندا هەیە، سەرەتا لەلایەن بەرێوەبەری گشتی دیوان بەخێرهاتنی شاندی میوان كرا، هەروەها باسێكی كورتی دەربارەی كەرتی پیشەسازی لە هەرێم كرد و ئامادەیی وەزارەتی بازرگانی و پیشەسازی دەربڕی بۆ هەماهەنگی و پتەوكردنی پەیوەندییەكان نێوان سەرمایاداران و كەسانی پیشەوەر تا لە هەرێمی كوردستان كاری پیشەسازی و سەرمایەگوزاری لە بواری كارگەدا بكەن.  دواتر شاندی میوان چەندین پرسیار و گفتوگۆیان دەربارەی بواری پیشەسازی كرد و وەڵامی پرسیارەكانیشیان بە دەستهێنا، ئەمەو داوەتنامەی فەرمی شاندی میوان بۆ حكومەتی هەرێم و بازرگانان و پیشەوەرانی كوردستان بۆ نمایشی پیشەسازی پێشكەشكرا، كە وابڕیارە نمایشەكە لە وڵاتی توركیا و لە مانگی (5) بكرێتەوە، لە كۆتاییدا بەرێوەبەری گشتی دیوان تیشكی خستە سەر ئەنجامدانی (3) سیمینیاری پیشەسازی لەگەڵ رێكخراوی (AECOM) سازكرابوون، تەوەری سیمینارەكان تایبەت بوون بە پەرەپێدانی كەرتی پیشەسازی لە هەرێمی كوردستان.
 



ناونیشان

Iraq, Erbil
هه‌ولێر
سلێمانى
دهۆك
کەرکوک

فه يسبووك

ئيمێڵى فه‌رمانبه‌ران

133 ميوانى ئيمڕۆ
791565 گشت ميوانه‌كان